Kaharian ng Netherlands

Ang Kaharian ng Netherlands (Dutch: Koninkrijk der Nederlanden) malimit na tinutukoy na Netherlands ay isang nakapangyayaring estado, at monarkiyang konstitusyonal na may teritoryo sa kanlurang Europa at sa Caribbean. Ang apat na bahagi ng kaharian — Aruba, Curaçao, Netherlands at Sint Maarten — na tinutukoy na "bansa" (landen sa Dutch), ay lumalahok bilang pantay na magkakatuwang sa kaharian.^[1] Subalit sa katunayan, karamihan sa mga pakikipag-ugnayan ng kaharian ay pinangangasiwaan ng Netherlands (na may sakop sa humigit-kumulang 98% ng lawak at populasyon ng kaharian) sa ngalan ng buong kaharian. Samakatuwid, nakasalalay ang Aruba, Curaçao, at Sint Maarten sa Netherlands sa ilang mga bagay gaya ng patakarang panlabas at tanggulan, bagaman mayroon silang takdang antas ng awtonomiya sa kanilang mga parlamento.

Ang malaking bahagi ng bansang bumubuo ng Netherlands (pati na rin ng kaharian) ay matatagpuan sa Europa, maliban sa tatlong espesyal na munisipalidad (Bonaire, Saba, at Sint Eustatius) na matatagpuan sa Caribbean. Ang mga bansang bumubuo ng Aruba, Curaçao, at Sint Maarten ay matatagpuan din sa Caribbean.

Kasalukuyang may apat na bansang bumubuo ang Kaharian ng Netherlands na magkakapantay-pantay: Netherlands, Aruba, Curaçao, at Sint Maarten. Tandaang may pagkakaiba ang Kaharian ng Netherlands at ang Netherlands: ang Kaharian ng Netherlands ay ang kabuuang nakapangyayaring estado, samantala ang Netherlands ay isa lamang sa apat na bansang bumubuo nito. Bawat isa sa tatlo sa anim na pulo ng Dutch Caribbean (Aruba, Curaçao, at Sint Maarten) ay ang mga nalalabing bansang bumubuo; samantala ang natitira pang mga pulo (Bonaire, Sint Eustatius, at Saba) ay bahagi ng bansa ng Netherlands na tinutukoy na Caribbean Netherlands.

Mga Nasasakupang Bansa ng Kaharian ng Netherlands

Bansa		Populasyon (1 Jan 2012) [note 1]	Bahagdan sa populasyon ng Kaharian	Lawak (km²)	Bahagdan sa lawak ng Kaharian	Pagsisiksikan (tao/km²)	Source
	Subdibisyon
Netherlands[note 2]		16,748,205	98.32%	41,854	98.42%	396
	European mainland	16,725,902	98.19%	41,526	97.65%	399	[2]
	Bonaire †‡	16,541	0.10%	294	0.69%	46	[3]
	Sint Eustatius †‡	3,791	0.02%	21	0.05%	137	[3]
	Saba †‡	1,971	0.01%	13	0.03%	134	[3]
Aruba †		103,504	0.61%	193	0.45%	555	[4]
Curaçao †		145,406	0.85%	444	1.04%	320	[5]
Sint Maarten †		37,429	0.22%	34	0.08%	1,101	[6]
Kaharian ng Netherlands		17,034,544	100.00%	42,525	100.00%	397
† Bumubuo sa Dutch Caribbean. ‡ Bumubuo sa Caribbean Netherlands.

Panahon	Mga Bansa	Pagbabago
1954 – 1975	Netherlands  Netherlands Antilles  Suriname	Nilagdaan ang Saligang-Batas ng Kaharian ng Netherlands
1975 – 1986	Netherlands  Netherlands Antilles	Nakamit ng Suriname ang kalayaan at naging  Republika ng Suriname
1986 – 2010	Aruba  Netherlands  Netherlands Antilles	Humiwalay ang Aruba sa Netherlands Antilles upang maging bansang bumubuo
2010 – kasalukuyan	Aruba  Curaçao  Netherlands  Sint Maarten	Binuwag ang Netherlands Antilles. Ang Caribbean Netherlands ay naging mga espesyal na munisipalidad ng Netherlands, habang ang Curaçao at Sint Maarten become constituent countries.