DZBR

Ang DZBR (531 AM) Bible Radio ay isang himpilan ng radyo na pag-aari ng Allied Broadcasting Center at pinamamahalaan ng Cathedral of Praise. Ang estudyo nito ay matatagpuan sa #350 Taft Avenue, Ermita, Maynila, at ang transmiter nito ay matatagpuan sa Angel One Tower, Tanauan.

Itinatag ang DZBR noong 1981 bilang Radyo Balisong ng Kumintang Broadcasting System.^[1] Ilan sa mga personalidad ng istasyong ito ay sina Danny Debolgado na kilala rin bilang Agila ng Batangas, Betting Mauhay, Erwin Aguilon at Dennis Datu,^[2] pati na rin ang mga neophyte na sina Grace Beredo, Renz Belda at Larry Karangalan. Nagwagi ito sa 11th Golden Dove Awards bilang Best Provincial AM Radio Station, at ang programa nitong Usapang Pangkababaihan bilang Best Provincial Radio Special.^[3][4][5]

Nawala ang Radyo Balisong sa ere noong 2002 bilang bahagi ng mga hakbang sa pagbabawas ng gastos at kompetisyon mula sa iba't ibang mga himpilan.

Noong kalagitnaan ng 2016, binili ng Allied Broadcasting Center ang talapihitang ito.

Bumalik sa ere ang DZBR noong Enero 2017. Ang mga programa ng Cathedral of Praise ay ineere sa pamamagitan ng hybrid pattern galing Manila at Tanauan, sa magkaibang oras ng araw. ^[6]