កាលពីពេលថ្មីៗនេះ ក្រុមហ៊ុនលក់ឡានអគ្គិសនី BYD ទើបបានយកម៉ូដែលថ្មី ដែលកំពុងតែល្បីពេញពិភពលោក ហើយក៏មានដំណឹងលេចធ្លាយមកថា ម៉ូដែលថ្មីនេះបញ្ចូលថ្មតែម្តងអាចបើកបរបានចម្ងាយរហូតដល់ 480Km ព្រមទាំងមានចំណុចក្តៅៗ ជាពិសេសគឺផ្នែកខាងក្នុងមានលក្ខណ: Premium ដែលអាចទូទាត់ជាមួយតម្លៃខ្ទង់ម៉ឺនដុល្លារ ។
BYD ATTO 3 ជារថយន្តអគ្គិសនីប្រភេទ SUV មានទំហំធំទូលាយរូបរាងស្ទីលខាងក្រៅ យើងអាចនិយាយបានថាបែបLuxerry មិនចាញ់ម៉ូដែលរថយន្តអគ្គិសនីរបស់ Lexus ដែលចេញមកក្រោយៗ នោះទេ ។ BYD ATTO 3 មានប្រវែងបណ្តោយ 4455 mm ប្រវែងទទឹង 1875mm និងប្រវែងចន្លោះពីកង់ខាងមុខទៅកង់ខាងក្រោយគឺ 2720mm ។
ត្រឡប់ចូលទៅកាន់ផ្នែកខាងក្នុងវិញម្តង ដូចទៅនឹងរូបភាពដែលលោកអ្នកបានឃើញនេះអ៊ីចឹង ចំណុចការឌីហ្សាញថ្មីនេះ គួរឲ្យចាប់អារម្មណ៍ខ្លាំងណាស់ ជាពិសេសគឺតាប់ឡូត្រូវបានរចនាជាស្បែកទុនៗ បែបសាច់ដុំ ។
បន្ថែមលើសពីនេះ ចំពោះអេក្រង់មើលកុងទ័រល្បឿនជាប្រភេទឌីជីថលមានទំហំ 5 inch និងអេក្រង់កម្សាន្តជាប្រភេទ Touchscreen ទំហំ 12 inch អាចដាក់ឲ្យផ្តេកឬបញ្ឈរបានមួយចប់ ហើយអេក្រង់នេះអាចមើលនូវផែនទី Google Map និងអាចដំណើរការបានជាមួយនឹង Apple car play និងAndroid Auto ក៏បានផងដែរ ។
ចំណែកឯម៉ូទ័ររបស់ BYD ATTO 3 ប្រើជាប្រភេទ Synchronous motor ជាប្រភេទម៉ូទ័រអាចផលិតបានកម្លាំងខ្លាំងរហូតដល់ 150Kw និងបង្កើតកម្លាំងរមូរ 310Nm រត់ដោយប៉ុង១ នៅខាងមុខ ព្រមទាំងមានទំហំថ្ម 60.48Kwh ប្រភេទ BYD Blade Battery ដែលអាចទ្រទ្រង់នៃការបើកបរតាមបែបឡួយឆៃបាន 480 Km ដោយគ្រាន់តែសាកថ្មតែមួយលើក ។
បើនិយាយដល់ការសាកថ្ម BYD ផ្តល់មកជា ២ជម្រើសមកស្រាប់ ទី១ នោះជាមានប្រភេទ AC បញ្ចូលភ្លើងតាមរយ:អគ្គិសនីរបស់រដ្ឋដែលមានថាមពល 7Kw និងទី២ ជាប្រភេទ DC Charger ដែលមានរន្ធសាកប្រភេទ GB ដោយអនុញ្ញាតអាចបញ្ចូលថ្មពីស្ថានីយ៍សាកថ្មល្បឿនលឿន ដែលមានថាមពល 80Kw ។
បើយោងតាមការឆ្លើយតបពីខាងផ្នែកលក់ប្រចាំក្រុមហ៊ុន BYD កញ្ញា ឈឿង សាមឌី បានប្រាប់មកកាន់ Technology Cambodia បានឲ្យដឹងថា ចំពោះរថយន្តម៉ូដែលថ្មី ATTO 3 នឹងចូលមកដល់ស្រុកខ្មែរនៅថ្ងៃទី ១៧ ខែកក្កដា ឆ្នាំ ២០២២ និងមានតម្លៃ ៤១៨០០ដុល្លារ។
អត្ថបទដោយ៖ ព្រឹម ភក្តី