Nor'mik
| Nor'mik | ||||||||||||
|---|---|---|---|---|---|---|---|---|---|---|---|---|
 Nor'mikon tipine Poa pratensis-erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Póa L., 1753 | ||||||||||||
|
Nor'mik (latin.: Poa, amuižgrek.: πόᾱ-sanaspäi «hein») om äivoččiden tobjimalaz kazmusiden avaros levitadud heim Tähkheinäd-sugukundaspäi.
Leviganduz
[vajehta | vajehtada lähtetekst]Kazmuz putub vastha molembil mapoliškoil, päiči tropižes vönes. Putub tropikoiden mägirajoniš.
Sädab turbišt i stepiden fitocenozad.
Ümbrikirjutand
[vajehta | vajehtada lähtetekst]Nor'mikon erikod kazdas 10..140 santimetrhasai kortte. Äivoččed erikod, om üks'voččid-ki erikoid (Poa annua) vähän lujas. Erased vezad oma manalaižed ujelijad, niita ani harvoin. Seikhed oma püštoiktad siledad tobjimalaz, erasti kauktanke pindanke. Lehtišt om harv, lehtez om pit'k jononvuitte lapak 1..8 (12) millimetrad levette.
Änikuz om leved löuste päpaloin, 25..30 santimetrhasai pitte, sen tähkuded oma 2,5..10 mm pitte.
Kävutand
[vajehta | vajehtada lähtetekst]Ottas kävutamižhe sötmižkazmuseks maižanduses, Poa pratensis-erik om vedadud kul'turha. Arvokaz sötmižkazmuz om verez, omaluižel.
Semetas i kazvatadas gazonoid. Kävutadas Poa compressa-erikod vahvitamha pudotesid sauvomižen jäl'ghe.
Valitud erikod
[vajehta | vajehtada lähtetekst]Lugetas läz vit sadad erikoid nor'mikon heimos, erased oma:
- Poa abbreviata — Lühetud nor'mik
- Poa alpina — Al'pine nor'mik
- Poa angustifolia — Kaidlehtheine nor'mik
- Poa arctica — Arktine nor'mik
- Poa hybrida — Gibridine nor'mik
- Poa media — Keskmäine nor'mik
- Poa palustris — Sonor'mik
- Poa pratensis — Nitnor'mik, tipine erik
- Poa supina — Venui nor'mik
- Poa trivialis — Järgeline nor'mik
- Poa versicolor — Erazmujuine nor'mik