Persipura Jayapura
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
Persatuan Sépakbola Indonésia Jayapura atawa disingget Persipura Jayapura, nyaéta hiji klub sépakbola profésional Indonésia anu markasna di Jayapura, Papua. Kiwari tim ieu meunang jujuluk Mutiara Hitam. Persipura Jayapura mangrupa salah sahiji kontéstan Indonesia Super League (ISL)[1].
Préstasi pangluhurna nepi ka ayeuna nyaéta opat kali jadi juara Liga Indonésia ti taun 2005 nepi ka 2013.[rujukan?] Taun 1980, préstasi Persipura nyaéta jadi runner-up Divisi Utama sarta dua kali jadi juara Divisi I (1979 jeung 1993).[rujukan?] Pamaén-pamaén Pérsipura di antarana Boaz Solossa, Ardiles Rumbiak, Chris Yarangga, Christian Warobay, Erol Iba, Gerald Pangkali, Jack Komboy, Yohanes Auri, Stevie Bonsapia, Titus Bonai, Jendri Pitoy, Eduard Ivakdalam, Ricardo Salampessy, Patrick Wanggai, jeung réa-réa deui.[1]
Najan geus cukup lila nanjeur, préstasi Persipura mimiti katémbongna mah di éra sépakbola semi-profésional.[rujukan?] Nyaéta sanggeus midang salaku juara Liga Indonésia 2005.[rujukan?] Anu jadi pikareueuseunna, lian ti jadi jawara Liga Super Indonesia 4 kali tutuluyan (2005/2009/2011/2013) ogé pernah lolos kana turnamén Internasional saperti LCA (Liga Champion Asia) jeung AFC (Asian Football Confederation) di tingkat Asia, préstasi anu pernah dimeunangkeun di tingkat Asia éta nyaéta jadi kontéstan perdalapan final AFC 2010-2011 sarta kontéstan peropat final AFC 2013-2014.[2]
Rujukan
[édit | édit sumber]- ↑ a b persipuramania.com Profil Persipura Archived 2015-09-24 di Wayback Machine Diaksés 10 Méi 2015
- ↑ bidhuan.com Profil dan Skuad Persipura ISL 2015 Diaksés 10 Méi 2015